Ресми интернет-ресурсы
Ақмола облыстық қан орталығы

руководство

 

       

Қалымжанов Сәкен Қалымтайұлы, 1971 жылы туған. 1995 жылы «Емдік іс» мамандығы бойынша Алматы мемлекеттік медициналық институтын аяқтады.

Еңбек қызметін 1995 жылы Красноармейск орталық аудандық ауруханада дәрігер-хирург лауазымымен бастады.

1996 жылы Көкшетау қалалық ауруханасына дәрігер-хирург ретінде ауыстырылып, 1999 жылдан 2005 жылға дейін Көкшетау облыстық ауруханасында урология бөлімшесінің дәрігері қызметін атқарды.

2005 жылы ҚР ДСМ медициналық қызмет сапасын бақылау Комитетінің Ақмола облыстық басқармасында мемлекеттік қызметтен өтіп, денсаулық сақтау ұйымдары қызметін талдау және бағалау бөлімінің бас маманы болып тағайындалды. 2006 жылы осы бөлімнің басшысы болды. 2007 жылдан 2008 жылға дейін – Ақмола облысы бойынша ҚР ДСМ медициналық қызмет көрсету саласындағы бақылау Комитеті Департаментінің лицензиялау, куәландыру және аккредиттеу бөлімінің басшысы.

2008 жылы Ақмола облысы денсаулық сақтау басқармасына материалдық-техникалық қамтамасыз ету, құрылыс, күрделі жөндеу және мемлекеттік сатып алулар бөлімінің басшысы қызметіне ауыстырылды.

2010 жылы салауатты өмір салтын қалыптастыру облыстық орталығының директоры болып тағайындалды.

2011 жылдың 27 сәуірінен бастап облыстық қан орталығына ауыстырылып, бас дәрігер ретінде тағайындалды.

С.Қалымжанов  атқарылып жатқан жұмысы мен қызметінің түпкі нәтижесінің жоғарғы сапасына ұмтылады, өз кәсіби деңгейін жоғарылату бойынша ынтамен жұмыс істейді. Алматы ДЖМИ, Астана қ. мемлекеттік қызмет ісі бойынша ҚР Агенттігінің мемлекеттік қызметкерлерді оқыту Евразиялық орталығы, ҚР ДСМ Ұлттық ғылыми медициналық орталығы, ҚДСЖМ негізінде бірнеше рет жетілдіруден өтті. Берлин қаласында «Германия денсаулық сақтау жүйесінің сапасы мен оны басқару», Астана қ. «Қан компоненттерін клиникалық қолдану» семинарларына, ҚР ДСМ Трансфузиология ғылыми-өндірістік орталығы негізінде «Денсаулық сақтау мекемелеріндегі трансфузиологиялық көмектің ұйымдастырушылық-клиникалық аспектілері» мастер-класына қатысты.

2011 жылы «Денсаулық сақтау менеджменті», 2012 жылы – «Трансфузиология»  мамандығы бойынша қайта даярлаудан өтті.

2012 жылы «Менеджмент» мамандығы бойынша Көкшетау Гуманитарлық-техникалық академиясын тәмамдады.

Алған білімін тәжірибелік қызметінде сәтті пайдаланады.

«Урология және андрология» және «Әлеуметтік гигиена мен денсаулық сақтау ұйымы» мамандықтары бойынша маман сертификаттарына ие.

Табандылығымен, жауапкершілігімен, тыңғылықтылығымен ерекшеленетін сауатты маман, тәжірибелі басшы, әрдайым жұмысты ұйымдастырудың жаңа нысандарын енгізуге талпынады.

Жоғары еңбекке қабілеттілігі мен кәсіпқойлығы құрмет грамоталары мен алғыс хаттарымен расталады.